教你5招Reject Offers / Interview ！唔學隨時被公司Blacklist！

最近有幾間大學嘅Career Centers都同我地講，有啲顧主向佢地反映返同學仔係回絕offer或者面試邀請時處理得唔係幾好🙊，出現左好多一直唔覆電郵、電話，同約咗面試唔出現等嘅情況。其實收到多個面試或Offer係好事，但如果係拒絕時唔小心，隨時會影響同學以後嘅發展，想知點做先岩？就要睇下呢篇文啦。
.
❓唔夠得禮地回絕Offer同面試，有咩問題❓其實好多公司會紀錄低📝邊啲人無參加面試或拒絕過offer，係之後再收到同學嘅工作申請時作參考，甚至有啲公司好似Bloomberg同P&G咁，更係有不明文規定，如果你拒絕過offer，佢地以後係唔會再考慮你嘅申請。可見正確地回絕offer同面試嘅重要。而且唔好好地回覆呢啲邀請，公司可能會直接向大學投訴，不單會破壞左顧主對你地大學嘅印象，更會影響師弟妹之後去呢啲公司搵工。
.
❓唔去面試點做好❓好多同學仔其實係報工時並無諗清楚自己係咪想做，只係諗住報左再算，無諗過收到面試會點，又或者係收到面試邀請時，已經有其他公司嘅Offer，就唔想再去面試。係呢啲情況入面，最大忌係唔理個邀請電郵、電話，甚至到面試當日先至唔出現❌！雖然只係面試邀請，同學未必有需要特登打俾間公司解釋自己唔去啦，但最基本都要傳個電郵📧去俾HR，禮貌地回覆返自己唔會參加面試，等對方都可以有個預算。
.
❓回絕Offer又點做❓收到Offer想拒絕，除左要傳電郵俾HR，我地都建議同學最好再補個電話📞。如果同學係拎到一啲比較High-end嘅Offer，好似MT或者投行Offer，除左聯絡HR外，最好都要向面試嘅Director或MD解釋返。因為係呢類工嘅面試期間，同學一般會係最後一環嘅面試時見過佢地，甚至拎左卡片，同佢地有過接觸，因此應該親自同佢地交代返自己唔能夠要個Offer啦✅。點解咁講？舉個例子尼解釋，投行好似UBS每年只會取錄好少人，係出Offer後好多時會直接聯絡同學，或者預先傳定資料俾你地。咁曾經有位同學係收到Offer 後想唔要，只係好簡單咁通知左HR，令到負責面試嘅Director 好失望，無諗過同學係面試時講到自己咁有熱誠，令到佢決定係咁多人入面挑選你出尼，到最後同學嘅表現會係咁，係無通知佢嘅情況下就咁消失左。
.
其實投行個行頭真係好窄，同學可能係當下覺得無所謂，但其實就咁樣令到該位Director對你留左壞印象，好可能會破壞左你嘅聲譽，影響你之後嘅發展。同學可以考慮用Linkedin、WhatsApp、電話，甚至係寫封電郵請HR幫你轉寄俾最後面試嘅 Director，向佢道歉，解釋返你好可惜唔能夠要個offer啦，態度記得要保持誠懇有禮，就好似你面試當時嘅態度一樣，唔好因為有其他offer 就太過興奮喎。
.
❓Rejection Letter 點寫好❓以下我地列左幾點係rejection letter 上要注意嘅重點，同學係寫時可以留意返：
1⃣盡量唔好講大話🈲：有啲同學仔係拒絕offer時可能會作啲理由，例如話自己唔再係香港做野點點點，但其實呢啲假嘅理由真係好易睇得出，或者之後好易發現，所以都係唔好做傻事啦。
2⃣直接道歉🙇：我地都建議同學係信件開頭直接道歉，例如可以寫「I deeply apologise for declining the offer」，而唔好求打句「I reject the offer」就算，因為咁樣先可以表現返你嘅誠意，同係拒絕嘅同時留返個專業嘅印象俾間公司。
3⃣解釋唔接受Offer嘅原因💁：如果同學被男女朋友飛都好想知點解，間公司都會希望了解你點解唔做，可以考慮話「I decide to pursue another career path」、「I decide to take another offer」重點係，千祈唔好話間公司有咩唔好，所以你唔想做。凡事留一線，大家日後好相見。
4⃣多謝佢地俾Offer你🙏🏻：其實好多大公司都會投放左好多人力物力係招聘環節入面，所以最後花左咁多資源選左你出尼，講聲「Thank you for the valuable interview opportunity and offer. I have learnt so much during the process and gained a lot of industry insight.」都好應該。
5⃣稱讚下間公司👍🏻：最後可以再講多次間公司有咩好，自己可能只係經過仔細考慮，覺得另一個offer會比較岩自己。不過都要認住態度要真誠，唔好太浮誇。
.
❓電話回絕有咩要注意❓有時同學都可能要係電話到回絕Offer，除左可以參考返上述寫電郵嘅重點外，間公司可能會係電話直接問同學而家接受左嘅Offer詳情，例如同學如果要左其他Big 4或投行嘅Offer，間公司就好有可能會問另一間公司Offer嘅人工同職稱等。不過你其實係無責任同義務要回答嘅🙊，當然都唔好講大話啦，可以好禮貌咁婉拒，如「我唔係好肯定可唔可以透露呢啲資訊，所以唔好意思⋯⋯」
.
大家而家會唔會比較清楚之後拒絕面試同Offer要點做？如果目前未係有好多Offer同面試嘅，都要記得save低篇文，等之後爆多offers時要參考返都易啲。唔好忘記俾個Like❤、Share💞同Tag💘返朋友仔。

#hkcareers #universitystudents #rejectoffer#rejectinterview #skills #offer #ibank #big4