邊啲Qualification同學仔可以Grad前考而對搵工有用？

有唔少同學仔係Undergrad既時候都會考一啲專業試，比較常見有CFA，主要用係銀行等金融行業。其實除左CFA，其它行業都有專門認證考試，例如ACCA ，CPA，ICA（AML），FRM等，而呢啲專業試對將來搵工同工作都有一定幫助。

我地會係呢篇Article同你地分享呢啲Qualification對搵咩工有用同埋有咩特別地方要注意。

Chartered Financial Analyst(CFA)：

如果你有興趣Bank，Investment Bank，Asset Management等，CFA會係入場門券。但係CFA並唔容易，因為涵蓋範圍廣：Econ，Account，Financial Product，Derivatives，Professional Ethics等 .......同學考取CFA Level1既Workload相等於讀一個Semester既書。另外，CFA總共三個Level，未畢業既同學仔只可以考Level1，而Level2同Level3規定要畢業後考。有聽過同學仔偷雞係畢業前考埋Level2，因為評考局有機會Sample Checking。如果被發現，考左既Level2　&　3會取消資格要求重考。所以畢業前考到Level1己經足夠。

Certified Public Accountant (CPA) & Association of Chartered Certified Accountants (ACCA)：

呢兩個係會計界既專業資歷，係Big4，Investment Bank，Asset Management等行業入面都有唔少人有呢類資歷。值得注意既係CPA唔可以係畢業前考，不過Final Year同學可以Sem2 Early Bird報定先。ACCA就可以畢業前考，當中會有不少Paper及認受性較低，一般有志會計界的同學考CPA就可以。

Financial risk management (FRM) ：

呢個Qualification較少同學認識，FRM係針對有興趣Risk Management同學。佢涉及兩個Level，係未畢業前就可以考晒。Level1 Paper主要以Quantitative為主，以計數主導；而Paper2會考驗Qualitative，文字為主，而兩者並無深淺之分，可以依照能力同時間考取都得。

ICA Certificate in Anti Money Laundering:

目前唯一認受性較高既Compliance Qualification，考完可以成為AML Specialist。而家好多Compliance Field既人都話要快啲考，有消息指呢個Qualification考試範圍會愈黎愈難，唔想市場上有咁多人有呢個Qualification。如果同學成功考取，會令到你Career Development專啲。

除了專業考試外，同學仔都可以考慮專業課程，例如：Pyton，VBA，Bloomberg Terminal或者與Fin Tech相關既課程, 呢類課程又比傳統C Programming Language易學，對將來搵工或者工作都有一定既幫助。

睇完記住比個LIKE！

❗另外，如果想知道多啲Insider Tips，記住加入我地既HKCareers Insider Group: https://www.facebook.com/groups/hkcareers/

-----------------

❗我地有好多免費Career Resources （Ap Test Samples, CV Samples, Grad Job Salary List, Big4/ Banking/ Conglomerate Interview Booklets etc.)，可以去呢度Download：https://www.hkcareers.hk/coachinfree