i Bank / Banking / Big4 / Property / Conglo 工時有幾長？

👨‍🎓👩‍🎓同學仔係考慮進入唔同行業嘅時候，工作時數都會係其中一個需要諗清諗楚既重點，須知道入左行後同學唔只係返一、兩日，靠意志頂左佢就算，而係要長期跟住特定領域的工時尼生活，真係要諗過度過，揀返適合自己既，我地今次就為大家組織左各行業大概的工作時數，等大家參考返：

✅投資銀行（Investment Banking）：
投行的工時，無論係前、中定後台一般都比較長。

特別係前線投資銀行部門（Investment Banking Division，簡稱IBD）的初級員工一日做15-16小時或以上絕不是新奇事，如果由分析師（Analyst）升到副理（Associate），副總裁（Vice President，簡稱VP），工時可能會較短，但都需要日做12個鐘以上，而且副總裁要負責的工作不只是文職，仲要兼負銷售的責任，咁當客戶係非工作時間聯絡你時，也需要做回應。

交易室（Sales & Trading）的工時通常會比較短，但係有機會需要好早就返工，早至6-7點已經要返到公司開始工作，係開市前了解返市場最新資訊或進行早晨會議，雖然工時大約都係12個鐘左右，下午6-7點就可以收工，但就可能比較適合作為晨型人的同學仔。

而在私人財富管理（Private banking）同資產管理（Asset Management）部門的工時普遍來說比較好，但係工時的類型亦會比較多，例如有些較輕鬆的銀行可以朝九晚六準時收工，但都有啲銀行需要做超過12小時，視乎當下負責的客戶多唔多，同每間行的文化。

整體尼講，以上投行的前線（Front Office）因為要對客同工時長，工作壓力亦會較大，而且因為要負責銷售，好多時星期六日都要返去加班，但正因此人工先可以咁高（想知有幾高？即刻去下載我地的免費資源，睇下各行各業的起薪點）。

而投行的中同後台（middle and back office）的工時會比前台穩定，通常都係朝九晚六七，例如法律遵循部門（Compliance）、財務管理（Finance）、Operation同人力資源等部門的工時都會比較短，而且因為無需揹負銷售責任，比較少需要星期六日都要返去加班。


✅一般銀行（General Banking / Retail and Commercial Corporate Banking）：
係一般銀行的前台工作，好似商業銀行的客戶經理（Relationship Manager），工時大概都係朝九晚六七，但當時如果有比較多交易買賣、借貸同貿易融資要處理，做完先收得工，咁收工時間就比較難預計啦，可能要日返12個鐘，甚至星期六日返去做野都唔出奇。

但如果唔係做銷售部門，而係做產品部分或中、後台，工時都會比較好，比銷售部門少1-2個鐘。

✅審計（Auditing）：
審計呢行好多人都聞之色變，以為做親審計都係有返工無收工，但其實就唔一定既，要睇返你入左邊個部門。 有些輕鬆啲的部門係旺季可以做12個鐘以下，淡季就做10個鐘左右。咁最辛苦的就一定係負責處理內地客戶同Conglomerate呢啲盤數會比較亂的公司的部門，有機會要做到15個鐘或以上。

係Big 4做審計其實有分兩個部門：金融機構集團部（Financial Institution Group，簡稱FI 同非金融機構集團部（Non-Financial Institution Group ，簡稱Non-FI）。

前者的工時會比較好，因為佢地主要係幫啲金融機構好似銀行、基金公司或者投行做審計，佢地的内部控制（Internal Control）同會計會做得比較完善，文件較整齊，咁樣做審計亦會輕鬆得多。審計當然亦有分旺淡季，旺季指一至四月，普遍尼講FI 可能都只需要工作10個小時以下，唔需要太過份地加班，不過始終要視乎公司接左咩案同客尼做，有時都可能需要做超過呢個時數。

而後者要處埋的就係一啲企業，好似地產發展商，盤數可能會複雜同混亂啲，無論旺淡季的工時都會偏長，有啲部門係旺季時都要做成12個鐘以上。

不過係咁多行業中亦只有審計有得加班補水，咁當然計得足唔足要睇返公司同部門的預算啦，未必可以補返足曬，但比起銀行同顧問呢啲完全無既叫做好啦。

✅地產發展商（Property Developer）：
不論你係做賣樓部（Sales and Marketing）、租務部（Leasing）定係物業管理（Property Management），工時都唔會太長。其中以物業管理的工時最輕鬆穩定，可以朝九晚六。

而賣樓部的工時就要按當時有無新樓盤出尼計，如果有可能都要做12個鐘左右，無就只需要朝九晚六。

租務部的工時大概都係10至12個小時，視乎客的數量同你負責處理邊類盤，例如係Retail Leasing中你負責出名辛苦的K11 同比較穩定的apm兩個商場都會有明顯分別。

✅顧問咨詢（Advisory / Consulting）：
而Consulting有少少似銀行的客戶經理，有好多公幹，工時就視乎你最近多唔多項目要做，輕鬆時就朝九晚六，比較多死線時就做12個鐘或以上都唔奇。

咁樣講其實好難比較邊行的工時會比較好，最後都要睇返旺淡季同你入左邊個部門，以上的數字就俾大家參考下啦。

睇完記得比返個LIKE啊！每一個LIKE對我地黎講都係好重要！😳

ig=hkcareers