恒隆MT 兩大特點三招準備面試

原來恒隆地產MT Program無論係Package💰、培訓👨🎓定發展前景👩💼都好吸引㗎！點解我哋知？因為我哋喺TEAMS Day 2019訪問咗恒隆HR 同埋MT，問咗唔少同學仔想知嘅問題，包括選人準則、面試模式同埋地產行業趨勢等等，呢啲資料對想入恒隆或者地產行業嘅同學仔好有幫助㗎！

‼️恒隆MT有兩個特點📄：
1. 多元化嘅Job Rotation
喺為期18個月嘅計劃中，同學可以喺香港同埋內地接觸唔同嘅部門：
✅ MT會喺香港參與不同部門嘅工作，如租務及物業管理、綜合服務、發展及設計、項目管理、支援及後勤部門(HR, Finance)等
✅ MT會到內地接受為期半年嘅訓練。恒隆喺內地有好多發展項目，例如上海、昆明、武漢，同埋杭州等，MT 有好多機會可以接觸項目嘅營運以及發展工作。

2. 特設Mentor-Mentee Scheme同Coach-Coachee Scheme：

公司安排經驗豐富嘅高級管理人員同MT一對一交流，令佢哋更快更全面咁認識公司同地產行業，同時亦令高層更了解每個MT喺事業發展上嘅期望，配合公司嘅發展需要，同時讓同事發揮個人強項。

恒隆MT Program最特別嘅係個人化安排：將每個MT視為獨立、具有個人特式嘅精英，盡量讓每個人發展所長，而唔係用一個死板嘅方案要求所有MT去跟隨。 

簡單總結一下，恒隆嘅MT Program就係要尋找出公司未來嘅領導者。喺公司嘅持續發展中，培育新一代人才，帶來新元素、新思維。所以評估時都會重視同參加者嘅雙向溝通，而唔係只有單向嘅評核。

‼️‼️ 跟住想分享大家都好想知嘅㊙️「恒隆MT三大秘笈」㊙️：

第一招：了解恒隆選人過程
MT Program尋找不同背景嘅本地以及外地精英。恒隆今年收到超過2,000個申請，經過Apt Test同小組討論之後，只有大約200個同學獲邀參加TEAMS Day，佢哋分為20個小組去恒隆嘅香港物業完成指定任務，如小組討論、公司商業案例報告以及互動遊戲。

TEAMS 係指具有才能(Talented)、活力(Energetic)、分析力(Analytical)、積極(Motivated)同判斷力(Sensible)，好明顯知道佢哋想搵咩人啦。

過左TEAMS Day呢一關，參加者就會參加Assessment Centre (AC)，AC之後就到最後一關：由一班高級管理層進行面試，但其實每年被挑選出嚟嘅同學數目都唔同，只要符合要求，就有機會脫穎而出成爲MT。

第二招：配合公司文化展所長

候選嘅同學如擁有「以客為本」嘅精神、創新思維、了解科技發展都會係絕對嘅優勢。記住喺面試時，要展現自己呢幾方面嘅優點，對中選有好大幫助。

TEAMS Day嘅設計配合公司文化，今年就融合「以客為本」同使用新科技兩大元素，每組同學運用手機app TEAMSmile，搵出當日路綫同完成任務以獲得里數，再用里數兌換不同貼士或工具完成小組匯報。今年TEAMS Day入面，仲引入咗虛擬實景技術（VR），透過獨特有趣嘅方式俾同學仔認識公司喺上海嘅恒隆廣場。

值得一提，TEAMSmile手機app 重現咗顧客透過恒隆會（House 66）購物儲分換獎賞嘅過程。除咗透過積分計劃吸引人客，恒隆仲透過呢個會員計劃聆聽客戶聲音、了解客人嘅消費模式、購買行為和需要等，從而提升公司營運效率。

第三招：成為恒隆想搵嘅人
我哋訪問咗2018年嘅ＭＴ，整理咗以下成功獲選為ＭＴ六大重點！
✅有組織同勇於表達自己嘅想法，同時嘗試提出創新又可行嘅意念，令討論更多元化；
✅聆聽他人，整合大家嘅意見，令事情有條理地進行；
✅同組員一齊細心檢視各種做法嘅利弊，展現個人分析力；
✅搵出自己係團隊中嘅定位，亦要多觀察組員強項，給予每個人發揮所長嘅機會，擴大團隊合作嘅效益；
✅做足功課，了解恒隆嘅業務以及地產行業嘅最新趨勢；
✅喺 TEAMS Day前好好休息，有足夠精力先可以喺全日嘅活動中表現出自己最好嘅一面。

有興趣加入恒隆嘅同學仔記得follow返 Hang Lung YES（Young Elite Success），咁就可以準備得更加全面啦！

#HangLung #HLMT #ManagementTrainee2019#TEAMSDAY2019 #Talented #Energetic #Analytical#Motivated #Sensible #MyDreamJob#WeAreReady #萬勿錯過